Nun se respira....
'a povere d'e case
t'affoca nganna
1'urdeme parole
e tu cammine
comme fusse n'ombra
ca se trascina appriesso
nu piso maie purtato....
E chioveno a copp' a nu palazzo
fraveca e prete,
nu cane guarda attuorno,
se porta dint'all'uocchie
'o spasemo 'e na notte senza fine!
…………………………………
Notte 'e nuvembre...
'o cielo se cagnaie all'intrasatto
e pareva ca a nu mumento a n'ato
s'arapesse 'a terra
nchiurrenno nfunno
tutte quante nuie.
E mò 'a paura
nun ce lassa ancora.
Ognuno vò truvà
'o curaggio antico,
ma quaccosa è cagnato.
'A pace d'e penziere
se l'è purtata
na notte senza fine!
